Bakı metrosunda 20 yaşlı gənci bıçaqlayan şəxs HAKİM QARŞISINDA

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Eldar İsmayılovun icraatına verilib.

İş üzrə məhkəmə hazırlıq iclası yanvarın 31-nə təyin olunub.

Qeyd edək ki, hadisə metronun 28 May stansiyasında baş vrib.

Nizami Xundov metrostansiyada insanların gözü qarşısında 20 yaşlı Şükürov Həzrətəli Abil oğlunu bıçaqlayıb. Hadisə yerindən qaçmaq istəyən N.Axundov polis əməkdaşları tərəfindən tutulub.

Onun barəsində Azərbaycan Respublikasının Cinayət Məcəlləsinin 126.2.4-cü, yəni, qəsdən sağlamlığa ağır zərər vurma - ümumi təhlükəli üsulla, xuliqanlıq niyyətilə törədildikdə maddəsi ilə iş açılıb.

Hadisə vaxtı Həzrətəli Şükürov qarnından və boynundan bıçaq xəsarətləri alıb və xəstəxanaya yerləşdirilib. Həkimlər onun həyatını xilas edib.

Natiq Allahverdiyev
Ölkə.Az