Avrokomissar: Dağlıq Qarabağ münaqişəsində status-kvo qəbuledilməzdir
“Danışıqların əsas məqsədi sülh sazişinə nail olmaqdır”.
Avropa İttifaqı (Aİ) Dağlıq Qarabağ münaqişəsinin həlli üzrə ATƏT-in Minsk Qrupu formatında danışıqları dəstəkləyir.
Bu barədə bu gün Ermənistan XİN başçısı Edvard Nalbandyanla mətbuat konfransında Avropa İttifaqının genişlənmə və qonşuluq siyasəti üzrə komissarı Yohannes Han bəyan edib.
O, qeyd edib ki, status-kvo qəbuledilməzdir və danışıqların əsas məqsədi sülh sazişinə nail olmaqdır.
Komissar əlavə edib ki, Aİ Ermənistan və Azərbaycan arasında, həmçinin prezidentlər səviyyəsində dialoqun davam etdirilməsinin tərəfdarıdır.
O, münaqişə tərəflərini atəşkəs rejiminə riayət etməyə, addımlarda və bəyanatlarda dözümlü olmağa, münaqişənin həlli üçün tələb olunan atmosferi yaratmağa çağırıb./Oxu.az/
Ölkə.Az
