Tural Gəncəliyev xaricdə yaşayan azərbaycanlılar müraciət etdi
“ABŞ-da erməni lobbisi Konqresdə yeni 1165 nömrəli qətnamənin qəbul edilməsinə çalışır. Bunun üçün ermıəni lobbisini təsiri altında olan konqresmenlər vasitəsi ilə 1165 saylı qətnamə layihəsini Konqresə təqdim edilib. Biz belə bir qətnamənin qəbul edilməsinə imkan verməməliyik”.
“Ölkə.Az” xəbər verir ki, bunu Milli Məclisin deputatı Tural Gəncəliyev bu gün keçirilən brifinqdə deyib.
Xaricdə, xüsusən də ABŞ-da yaşayan azərbaycanlılara müraciət edən Tural Gəncəliyev vildirib ki, Azərbaycanın xaricdə yaşayan diaspor nümayəndələrinə üzümü tutaraq deyirəm ki, həmin qətnaməyə etiraz səslərini ucaltsınlar: “Bu qətnamənin qəbul edilməsi qanunsuzdur. Heç bir şəxs, heç bir qüvvə, heç bir ölkə bizim hüququmuza qarşı çıxış edə bilməz. Hər kəs onların sosial şəbəkə hesablarına etiraz etsin və Ermənistanın işğalçı olduğunu bildirsin. Hesab edirəm ki, bütün dünya azərbaycanlıları olaraq onlara etirazım bildirməlidir”.
