ATƏT-in Minsk qrupu dezinformasiya ilə məşğuldur - DEPUTAT
Bu gün ATƏT-in Minsk qrupu dezinformasiya fəaliyyəti ilə məşğul olaraq dünya ictimaiyyətini çaşdırmaqla məşğuldur.
“Ölkə.Az” xəbər verir ki, bunu millət vəkili Əli Məsimli deyib.
Onun sözlərinə görə, ancaq ATƏT-in Minsk qrupu yaydığı sənədlərdə Ermənistanın Azərbaycanın mülki insanlarını hədəf seçdiyi kimi, Azərbaycanın da Ermənistanın mülki əhalisini hədəf seçərək, oranı atəşə tutduğu barədə dezinformasiya xarakterli məlumat yayıb. “ATƏT MQ-nin bu informasiyası həqiqəti əks etdirmir və bu yalan informasiyadır. Çünki Azərbaycan tərəfi heç zaman mülki insanları hədəf seçmir. ATƏT MQ münaqişənin həllinə çalışmaq əvəzinə bu cür dezinformasiya xarakterli hərəkəti ilə əslində problemin həllinə maneçilik törədir. ATƏT MQ-nin bu dezinformasiyası da uğrusuzluğa düçar olacaq”- deputat qeyd edib.
Mürtəza
Ölkə.Az
