Döyüşlərin 12-ci günü: dağıdılmış Tərtərdən
Sentyabrın 27-dən cəbhədə gərgin döyüşlər davam edir.
"Ölkə.Az" xəbər verir ki, bu barədə "Report"un cəbhə bölgəsinə ezam olunmuş əməkdaşı xəbər verir.
Ermənistan silahlı qüvvələri Azərbaycanın dinc əhalisini hədəf alır, mülki vətəndaşları top mərmiləri və raketlərlə atəşə tuturlar.
Bu gün - oktyabrın 8-i döyüşlərin 12-ci günüdür. Sentyabrın 27-dən bugünədək Ermənistan silahlı qüvvələrinin bölmələri Tərtər şəhərini və rayonun ətraf kəndlərini ağır artilleriya atəşinə məruz qoyur. Nəticədə 17 sosial obyektə və 351 evə ziyan dəyib, 80-dan çox ev tamamilə dağılıb, 37 mülki vətəndaş yaralanıb, 9 nəfər isə həlak olub.
Düşmənin dinc əhalini atəşə tutmasına baxmayaraq, Tərtər şəhər sakinləri şəhəri tərk etməyib, həyat öz axarı ilə davam edir.
Hazırda döyüşlər davam edir.
