Deputat: “Ermənistan özünü dünyaya faşist və terror dövləti olduğunu nümayişkəranə formada göstərdi”
Bunu “Ölkə.Az”a açıqlamasında millət vəkili Kamran Bayramov deyib.
Onun sözlərinə görə, terrorçu ermənilərin Gəncədə dinc əhaliyə qarşı həyata keçirdiyi qətliamı ancaq terror aktı kimi dəyərləndirilməlidir. “Bu terror dövləti olan Ermənistan tərəfindən beynəlxalq humanitar qaydaları ayaqlar altına ataraq dinc insanlara qarşı əvvəlcədən düşünülmüş formada həyata keçirilən qətliamın bir adı var vəhşilik və terror. Terrorçular təkcə oktyabrın 11-dən 12-nə keçən gecə törətdiyi terror aktı nəticəsində Gəncədə 10 nəfər dünyasını dəyişib, 30-dan artıq insan yaralanıb və onlarla insanın mülkiyyətinə müxtəlif formada ziyan dəyib, ciddi dağıntılara məruz qalıb. Terrorçu Ermənistanın düşünülmüş formada həyata keçirdiyi hərbi cinayəti beynəlxalq humanitar qaydaların və Cenevrə konvensiyasının maddələrini pozduğundan beynəlxalq cinayət məsuliyyətinə cəlb edilib cəzalandırılmalıdır. Heç bir şübhə yoxdur ki, humanitar atəşkəs razılaşmasının əldə olunmasından sonra terrorçu dövlətin siyasi və hərbi rəhbərliyi tərəfindən əvvəlcədən planlaşdırılaraq çirkin və fitnəkar niyyətlərini həyata keçirmək üçün təxribat xarakterli aksiyadır. Artıq məlum bir faktdır ki, terrorçu Ermənistan rəhbərliyi öz məkrli əməlləri və təxribatı ilə dinc Azərbaycan əhalisini raket atəşinə tutmaqla, Azərbaycanla əldə olunmuş humanitar atəşkəsi böyük şübhə altına qoydu və perspektivlərini sıfıra endirdi. Atəşkəsi pozam Azərbaycan yox, məhz təcavüzkar Ermənistan özü oldu. İşğalçı Ermənistan tərəfindən törədilən bu amansız müharibə cinayəti ciddi araşdırılmalıdır və onun təşkilatçıları və icraçıları hökmən beynəlxalq cinayət məsuliyyətinə cəlb olunmalıdır”- deputat qeyd edib.
O əlavə edib ki, terrorçu Ermənistan istər döyüş, istər diplomatiya, istərsə də informasiya meydanında Azərbaycana uduzduğundan öz acısını dinc əhalidən çıxarmağa çalışır: “Gəncəni bombalamaq əmri şəxsən Paşinyanın əmridir və bu da acizlikdən və ağır psixoloji durumdan doğan əmrdir. O məğlubiyyətini ört-basdər etmək üçün münaqişəni regional münaqişəyə çevirib üçüncü ölkələrə prosesə cəlb etmək istəyir. Ancaq onun bütün cəhdləri boşa çıxmaqdadır. Xarici dəstək axtarışı da ciddi nəticə vermir. Ali Baş Komandanın uzaqgörən və müdrik siyasəti nəticəsində Paşinyan hakimiyyətinin bütün cəhdləri darmadağın edilir. Çünki Azərbaycan həm beynəlxalq hüquq, həm də ədalət baxımından haqq yolundadır. Odur ki, terrorçu dövlətin istər humanitar atəşkəsi pozması əslində bizim maraqlarımıza cavab verir. Çünki bu anlaşma müvəqqəti xarakter daşıyırıd. Onsuz da Azərbaycan öz gücü ilə status-kvonu dəyişib və artıq təmas xətti mövcud deyil. Sülh danışıqlarını artıq Azərbaycan diqtə edir. Danışıqlarda ancaq işğalçı ordu torpaqlarımızı tərk etdikdən sonra mümkün ola bilər. Tərk etməzlərsə Azərbaycan ordusu onları başa düşdüyü dildə başa salıb, çıxaracaq. Odur ki, hələ real sülh danışıqları üçün bütün imkanlar tam tükənməyib. Bunun üçün terrorçu Ermənistan rəhbərliyi ilk növbədən işğalçıq siaysətinə son verib, Azərbaycanın ərazi bütövlüyün tanımalıdır”.
Mürtəza
Ölkə.Az
