Ermənistan Bərdəyə raket atıb, 4 nəfər ölüb, yaralıların sayı 13-ə çatıb - YENİLƏNİB - FOTOLAR

Ermənistan silahlı qüvvələri tərəfindən Bərdə rayonu ərazisinə raket atılması nəticəsində yaralananların sayı 13 nəfərə çatıb.

Bu barədə "Report"un cəbhə bölgəsinə ezam olunmuş əməkdaşı xəbər verir.

Raket atəşi nəticəsində ölənlərin sayı isə 4nəfərdir.

***

Ermənistan silahlı qüvvələri tərəfindən Bərdə rayonu ərazisinə raket atılması nəticəsində ölənlərin sayı 4-ə çatıb.

Bu barədə "Report"un cəbhə bölgəsinə ezam olunmuş əməkdaşı xəbər verir.

Ölənlər Ofelya Cəfərova, Ehtiram İsmayılov, Aybəniz Əhmədova və İsgəndərova Aysu Rövşən qızıdır.

***

Ölənlərin sayı 3 nəfərdir, 10 nəfər xəsarət alıb.

Onlar xəstəxanaya aparılıb. Yaralılardan içərisində azyaşlılar da var.

Oktyabrın 27-i saat 16:40 radələrində Ermənistan silahlı qüvvələri tərəfindən atılan raket Bərdə rayonu ərazisində Azərbaycan Hava Hücumundan Müdafiə Qoşunları tərəfindən zərərsizləşdirilib.

Bu barədə report-un cəbhə bölgəsinə ezam olunmuş əməkdaşı xəbər verir.

Nəticədə rayonun Qarayüsifli kəndi ərazisində raket partlayıb və 2 mülki şəxs həlak olub, yaralılar var.