Bakıda 24 yaşlı gənc pula görə mağazada işləyən qonşusunu öldürüb-QANLI CİNAYƏTİN TƏFƏRRÜATI
"Ölkə.Az" xəbər verir ki, hadisə Xətai rayonunun Zığ yolu 22 ünvanında yerləşən marketdə baş verib.
1996-cı il təvəllüdlü Ağasənov İsmail Nizami oğlu marketdə satıcı işləyən qonşusu, 1958-ci il təvəllüdlü Əliyev Bəxtiyar Yusif oğlunu bıçaqlayıb.
İlkin araşdırmalar zamanı məlum olub ki, İsmail Ağasənov pul əldə etmək üçün gecə saatlarında bıçaq götürərək Bəxtiyar Əliyevin satıcı işlədiyi marketə basqın edib. O, özündən 38 yaş böyük şəxsə bıçaqla ağır zərbə endirib. Yaralı daha sonra hadisə yerinə gələn şəxslərin köməkliyi ilə Sabunçudakı 3 saylı şəhər xəstəxanasına yerləşdirilsə də, onun həyatını xilas etmək mümkün olmayıb.
İş üzrə dindirilən İsmayıl Ağasənov ifaədsində bildirib ki, 2005-ci ildə atası Zığ yolu küşəsində ev aldıqdan sonra orada yaşayıblar.
Bir ildən sonra atası vəfat etdikdən sonra qardaşı Namiq həmin mənzili satdıqdan sonra ailəvi Cəlilabad rayonuna köçüblər.
2020-ci il fevarın 2-də yol maşını ilə rayondan Bakıya gəlib. Metronun "20 Yanvar" stansiyasınında düşüb marağlanıb ki, "8-ci kilometr" bazarının yaxınlığında 3 manata gecələmək üçün yerlər var. Ora gedib və həmin ərazidə qalıb. Pulu qurtardığından özünə münasib iş tapa bilməyib və cinayət yolu ilə pul qazanmağı qərarlaşdırıb.
Əvvəllər yaşadığı evin qarşısında sakit dala kimi yerdə mağazanın olduğu yadına düşüb. Həmin dükana gedərək orada işləyə kişini bıçaqla vurub, pul götürməyi düşünüb.
Fevralın 8-i saat 21:00 radələrində mağazanın yanına gəlib. Bir az ətrafa baxandan sonra içəri girib. "İçəri girəndə Bəxtiyarın televizora baxdığını gördüm. 2 manat verib siqaret istədim. O, çevrilib siqareti vermək istəyəndə cibimdən bıçaqı çıxarıb 1 və ya 2 dəfə kürəyindən vurdum".
İsmayıl Ağasənov daha sonra ifadəsində bildirib ki, yaralanan Bəxtiyar bu zaman ona baxaraq qışqırmağa başlayıb. "Qışqırandan sonra özümü itirdim heç pulda götürmədim. Gəlib məni tutarlar deyə çıxıb metronun "Həzi Alsanov istiqamətinə qaçdım".
Fevralın 9-u səhər saatlarında metronun "Nərimanov" stansiyasının qarşısında polis əməkdaşları tərəfindən saxlanılıb.
Məhkəmə iclasında İsmayıl Ağasənov elan olunmuş ittihamda özünü təqsirli bilib və əməlindən peşman olduğunu bildirib.
Məhkəmə hesab edib ki, İsmayıl Ağasənovun əməli ibtidai istintaq orqanı tərəfindən cinayət məcəlləsinin 120.2.11-ci ( quldurluqla əlaqədar qəsdən adam öldürmə) və 181.3.3-cü ( quldurluq zərərçəkmiş şəxsin sağlamlığına ağır zərər vurulmaqla törədildikdə) maddələri ilə düzgün tovsif olunub.
Sonda məhkəmənin hökmü ilə İsmayıl Ağasənov 18 il müddətinə azadlıqdan məhrum edilib.
Ölkə.Az
