Sumqayıtda 17 yaşlı tanışını öldürmək istəyən şəxs HAKİM QARŞISINDA

"Ölkə.Az" xəbər verir ki, Bakı Ağır Cinayətlər Məhkəməsinin hökmü ilə Azərbaycan Respublikasının Cinayət Məcəlləsinin 29.120.1-ci, yəni qəsdən adam öldürməyə cəhd maddəsi ilə təqsirli bilinərək məhkum edilən Rəşidov Ataş Nüsrət oğlu Ali Məhkəmədən işə yenidən baxılmasını və barəsindəki hökmün dəyişdirilməsini xahiş edib.

Onun müraciətinə hakim Əziz Seyidovun sədrliyi ilə baxılacaq.

Qeyd edək ki, qanlı hadisə Sumqayıt şəhəri 12-ci mikrorayon, ev 35b, mənzil 9 ünvanında baş verib. 2001-ci il təvəllüdlü Bəxtiyar Elnur oğlu Allahverdiyev yaşadığı evdə tanışı tərəfindən bıçaqlanıb. Yaralı ağır vəziyyətdə xəstəxanaya çatdırılıb və reanimasiya şöbəsinə yerləşdirilib.

Həkimlərin səyi nəticəsində yaralının həyatını xilas etmək mümkün olub.

Cinayəti törətməkdə şübhəli bilinən Ataş Rəşidov polis əməkdaşları tərəfindən saxlanılıb.

Ölkə.Az