Arvadını moteldə öldürən kişinin MƏHKƏMƏSİ BAŞLAYIB

Bakı Ağır Cinayətlər Məhkəməsində arvadını qəsdən öldürməkdə təqsirli bilinən Murad Şamilovun cinayət işi üzrə məhkəmə hazırlıq iclası keçirilib.

"Ölkə.Az" xəbər verir ki, hakim Azər Paşayevin sədrliyi ilə keçiriləcək məhkəmə baxış iclası martın 5-nə təyin olunub.

Qeyd edək ki, hadisə ötən il Biləcəri qəsəbəsi, Mehdi Hüseynzadə küçəsində yerləşən “Salt” motelində baş verib.

Sentyabrın 3-də gecə saat 02.00-da 1982-ci il təvəllüdlü Murad Şamilov həyat yoldaşı, 1985-ci il təvəllüdlü Şahanə Şamilovaya 18 bıçaq xəsarəti yetirib.

Qadın hadisə yerindəcə ölüb və kişi polisə gedərək törətdiyi əməli etiraf edib.

Məlum olub ki, cütlük ayrı yaşayıb. Şahanə Şamilova boşanma üçün məhkəməyə müraciət edib.

Qətl hadisəsindən əvvəl Murad şamilov ona zəng vurub və boşanma ilə bağlı danışmaq üçün moteldə görüş təyin edib.Qadın onun təklifini qəbul edib və görüş faciə ilə bitib.

Onların iki azyaşlı övladı var.

Murad Şamilova barəsində Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla qəsdən adam öldürmə) maddəsi ilə ittiham verilib.

Ölkə.Az