Rusiyalı politoloq: “Ermənistanın məğlubiyyətinin səbəbi “İsgəndər” raketi yox, ordunun zəif olması idi”

“Ermənistanın Azərbaycana uduzmasının səbəbi “İsgəndər” raketi yox, qüvvələrin bərabər olmaması idi. Çünki qüvvələri nisbəti hərbi baxımdan müqayisə olunmaz səviyyədə idi və ona görə də uduzdu”. “Ölkə.Az” xəbər verir ki, bunu rusiyalı politoloq və hərbçi, sabiq senator Franç Klinçev erməni mediasına müsahibəsində Nikol Paşinyanın “İsgəndər” raketi ilə bağlı mübahisəli bəyanatını şərh edərkən deyib. Onun sözlərinə görə, İrəvanın real hərbi tapşırıqları yerinə yetirmək üçün yetərincə “İsgəndər” raketləri və silah-sursatı olmayıb. “Ona görə də İrəvanın məğlubiyyətinin səbəbi “İsgəndər”lə bağlı deyil. Digər tərəfdən raketdən düzgün istifadə etmək lazımdır. Odur ki, Paşinyanın raketin buraxılması zamanı yarana problemə, bu, çox güman, şəxsi heyətin pis hazırlanması ilə əlaqədardır”- o qeyd edib. Rusiyalı politoloq əlavə edib ki, məğlubiyətin əsas səbəbi isə Ermənistan ordusunun Azərbaycan ordusundan zəif və azsaylı olması ilə bağlıdır: “Azərbaycan ordusu Türk pilotsuz uçan aparatlardan istifadə edərkən Dağlıq Qarabağdakı erməni ordu faktiki olaraq müdafiə etmək mümkün olmadı. Ona görə də PUA-lar rahatlıqla paket komplekslərini, tankları və digər hərbi hədəfləri məhv edirdi. Hətta maskirovka edilən tankı müasir müharibələrdə gizlətmək mümkün deyil. O baxımdan da Qarabağdakı erməni Azərbaycan ordusu qarşısında gücsüz vəziyyətdə qaldı”. Rusiyalı politoloq onu da əlavə edib ki, problem təkcə bu deyil, Ermənistanın yürütdüyü siyasətdə məğlubiyyətinı şərtləndirən əsas səbəblərdən biridir: “Paşinyanın yeganə düz addımı Rusiyanı eşidərək müharibəni dayandırması oldu”. Politoloq sonda onu da əlavə edib ki, Ermənistan hakimiyyətinin Rusiya ilə Qərb arasında ikibaşlı oyunu davam edərsə, bu ağır nəticələrə gətirib çıxarar.