Karton "Lamborgini" rekord qiymətə satıldı - VİDEO
Yeni Zelandiyada Devid Cons adlı sosial şəbəkə fenomeni kartondan hazırladığı “Kartongini” adını verdiyi lüks avtomobil modelini rekord qiymətə satıb.
“Ölkə.az” “Sputnik”ə istinadla xəbər verir ki, “Lamborgini”nin kartondan versiyası olan avtomobil 10 420 dollara satılıb.
Fenomen avtomobildən əldə etdiyi gəliri Oklənd şəhərindəki “Starship” uşaq xəstəxanasına bağışlayıb. D.Consun bu addımı sosial şəbəkələrdə gündəm olub.
Lüks avtomobilin orijinalını almağa imkanı olmadığın deyən fenomen heç kimin 22 yaşlı gəncə icarə bahalı avtomobil vermədiyini söyləyib. O, bu səbəbdən lüks avtomobilin başqa modelini hazırlamağa qərar verib.
Avtomobilin auksionda 50 dollara satılmasını gözləyən fenomen satış qiymətinə görə xeyli təəccübləndiyini açıqlayıb.
“Kartongini”nin hazırlanma prosesi də sosial şəbəkələrdə 1 milyon dəfədən çox izlənilib.
