Ayını əlləri ilə yıxaraq itləri xilas edən qadın viral oldu - VİDEO
ABŞ-ın Kaliforniya ştatında bir qadın evinin həyətində divarın üzərinə çıxan ayını əlləri ilə itələyərək yerə salıb.
“Ölkə.az” xarici KİV-ə istinadla xəbər verir ki, hadisə ştatın San Qabriel Vadisi bölgəsində olub.
Evin həyətindəki itlər ayı və balalarını görən kimi onlara hürməyə başlayıb. Ana ayı balalarını qorumaq üçün pəncəsi ilə itə hücum edib.
Ev yiyəsi Heyli Moriniko isə ayının itlərə hücum etdiyini düşərək onu divardan itələyib. O, daha sonra itlərdən birini qucağına alaraq həyətdən uzaqlaşıb.
Həyətdəki təhlükəsizlik kameraları tərəfindən qeydə alınan görüntülər sosial şəbəkələrdə viral olub.
Rəsmilər ayıların yemək axtarmaq üçün evlərə yaxın gəldiyini bildiriblər.
ABD'de bir kadın, yavrularını köpeklerden korumaya çalışan ayıyı bahçe duvarından itti //t.co/8VX21vSnaV pic.twitter.com/8Rfs2w9CBq
— Sputnik Türkiye (@sputnik_TR) June 2, 2021
