Məşhur informasiya agentliyi Kəlbəcərdə media işçilərinin minaya düşərək şəhid olmasından yazıb - FOTO
"Reuters" beynəlxalq agentliyi iyunun 4-də Kəlbəcər rayonunun Susuzluq kəndi ərazisində media işçilərinin minaya düşərək şəhid olması barədə xəbər dərc edib.
"Ölkə.Az" bildirir ki, xəbərdə Azərbaycan Televiziyasının (AzTV) operatoru Sirac Abışovun, Azərbaycan Dövlət İnformasiya Agentliyinin (AZƏRTAC) əməkdaşı Məhərrəm İbrahimovun və Kəlbəcər Rayon İcra Hakimiyyəti başçısının Susuzluq kənd inzibati dairəsi üzrə nümayəndəsinin müavini Arif Əliyevin həlak olduğu, 4 nəfərin isə yaralandığı bildirilib.
Dərc olunmuş xəbərdə Azərbaycan Respublikası Baş Prokurorluğunun və Xarici İşlər Nazirliyinin yaydığı məlumatlara istinad edilib.
