Azərbaycanın tədiyə balansında 326 milyonluq qalıq yaranıb
2021-ci ilin I rübündə Azərbaycanda tədiyə balansının ümumi saldosu 325,9 mln dollar təşkil edib.
"Ölkə.az"ın məlumatına görə, bu dövrdə tədiyə balansı əsasən qlobal əmtəə bazarlarında qiymətlərin bərpası, qeyri-neft ixracının genişlənməsi, həmçinin kapital və maliyyənin hərəkəti hesabında müsbət meyillərdən təsirlənib.
Cari əməliyyatlar balansında 627,7 mln dollar, kapital və maliyyənin hərəkəti hesabında isə 15 mln dollar profisit yaranıb, ehtiyat aktivləri 325,9 mln dollar artıb. Bu dövrdə orta rüblük neft qiyməti 52,4 dollar/barel olub, qeyri-neft ixracı isə 11% artıb.
Qeyd edək ki, ötən ilin yekununda Azərbaycanın tədiyə balansında 1 987,7 mln dollar kəsir yaranmışdı.
Könül
Ölkə.az
