Turistlər “Azərxalça” xalçalarını rüsumsuz ala biləcək

Bu gündən Azərbaycana səyahətə gələn xarici turistlər öz vətənlərinə “Azərxalça”nın xalçalarını alaraq qayıdacaqlar.

Bu barədə "Ölkə.az"a "Azərxalça" QSC-dən məlumat verilib.

Məlumata əsasən, bu gündən etibarən Heydər Əliyev Beynəlxalq Aeroportunda fəaliyyət göstərən rüsumsuz ticarət mağazalarında (Duty free) “Azərxalça” ASC-nin rəsmi satış nöqtəsi fəaliyyətə başlayıb. Burada turistlər kiçik ölçülü suvenir xalçalarla yanaşı böyük ölçülü müxtəlif xalçaları da əldə edə biləcəklər.

Dünya bazarında özünə məxsus yeri olan Azərbaycan xalçalarının ölkədə ən böyük istehsalçısı olan “Azərxalça” ASC yaxın zamanlarda müxtəlif məkanlarda çox saylı satış nöqtələrini açmaqla yanaşı tarixdə ilk dəfə özünün ilk və ən böyük mağaza – showroom-un təqdimatını edəcək.