AVRO-2020: Portuqaliya qələbə qazandı, Ronaldo tarixə düşdü

Futbol üzrə Avropa çempionatının F qrupunda mübarizəyə start verilib.

"Ölkə.az"ın məlumatına görə, qrupun ilk matçında turnirin ev sahiblərindən Macarıstan millisi son çempion Portuqaliya ilə qarşılaşıb. Budapeştdəki "Puşkaş Arena"da keçirilən görüş Pireney təmsilçisinin 3:0 hesablı qələbəsi ilə başa çatıb.

Matçda hər üç qol 2-ci hissədə vurulub. 84-cü dəqiqədə Rafael Gerreyro, 3 dəqiqə sonra Kriştianu Ronaldo rəqib qapısına yol tapıb. Penaltidən fərqlənən hücumçu turnirin tarixində ən sərrast oyunçu ünvanını ələ keçirib. Qarşılaşmada son nöqtəni də Ronaldo qoyub. O, əsas vaxta əlavə olunmuş 2-ci dəqiqədə komandasının üstünlüyünü 3 topa çatdırıb.