Vaksin vurulan nahiyəyə su vurmaq olar – TƏBİB rəsmisi
“Vaksin vurdurduqdan sonra riayət edəcəyimiz xüsusi ciddi qaydalar yoxdur”.
“Ölkə.az” xəbər verir ki, bunu TƏBİB-in infeksion xəstəliklər üzrə işçi qrupunun üzvü, həkim-infeksionist Nəzrin Mustafayeva deyib. O, insanların bu məsələdə yanlış yönləndirildiyini bildirib:
“Bəzən əhali arasında yanlış fikirlər formalaşır. İnsanlar vaksin olunan nahiyəyə su vurmaq olmaz” kimi yanlış yönləndirilirlər. Bunlar tamamilə əhəmiyyətsiz, elmi sübutu olmayan məlumatlardır. Vaksin vurduranların bol maye içmələri, ağır fiziki işlərdən çəkinmələri yetərlidir. Vaksin vurulan gün və ya ertəsi gün ilk 48 saat ərzində müəyyən simptomlar yaşaya bilərlər.
Nəticədə vaksin bir növ xəstəliyin yüngül formasıdır”.
Billurə Yunus
