Lənkəranda oğul atasını bıçaqladı
Lənkəran Ağır Cinayətlər Məhkəməsində atasına bıçaqla xəsarət yetirməkdə təqsirli bilinən Əliqismət Hüseynovun cinayət işi üzrə məhkəmə hazırlıq iclası keçirilib.
“Ölkə.Az” xəbər verir ki, hakim Aqil Musayevin sədrliyi ilə keçirilən prosesdə anket məlumatları dəqiqləşdirilib.
Məhkəmə baxış iclası iyulun 5-nə təyin olunub.
Qeyd edək ki, hadisə General Məhəmməd Əsədov küçəsi, 21 saylı evdə baş verib. Belə ki, Əliqismət Vidadi oğlu Hüseynov ailə-manaqişəsi zəminində atası, 49 yaşlı Vidadi Tavar oğlu Hüseynovu bıçaqlayıb.
Yaralı yaxınlarının köməyi ilə Lənkəran rayon Mərkəzi Xəstəxanasına çatdırılıb. V. Hüseynova döş qəfəsinin sol tərəfinin yan səthinin daxilə nüfuz edən kəsilmiş-deşilmiş yarası diaqnozu qoyulub və əməliyyata alınıb.
Hadisəni törədən Ə.Hüseynovun psixoloji problemləri olduğu və bir neçə il məhkumluq həyatı yaşadığı bildirilir
Ölkə.Az
