Deputat: "Azərbaycanda əlillik dərəcələri elektron formada düzgün müəyyən edilə bilmir"

İndiyədək əlillik dərəcəsi alan şəxslərin əlilliyini qoruyub saxlamaqla, bundan sonra bu sahədə tələbkarlıq artırılaraq, yeni qaydaya uyğun müəyyənləşsə daha yaxşı olar. 

"Ölkə Az" xəbər verir ki, bunu deputat Sabir Rüstəmxanlı parlamentin növbədənkənar iclasında çıxışı zamamı deyib:

"Görünür, əlilliklə bağlı müəyyən dəyişikliklər var. Biz də qanun layihəsinə səs veririk. Sadəcə müəyyən müddətdən sonra biləcəyik ki, qəbul etdiyimiz qərarlar millətin xeyrinədir yoxsa yox".
Sabir Rüstəmxanlı vətəndaşların elektron formadan istifadə edə bilmədiklərindən də danışıb:
" Əlillik dərəcələrinin müəyyən edilməsi elektron formada göndərilir. Təəssüf ki, Bakıda, əsasən də rayonlarda bunu edə biləcək adamlar yoxdur. Bir sənədin doldurulması üçün növbələr dayanır. Sənədlər də çox zaman doğru doldurulmur. Bu da süründürməçiliyə gətirib çıxarır. Hesab edirəm ki, o işi bilən adamlar hazırlanmalıdır. Yenə də bəzi adamlar kənarda qalacaq. Tələbkarlıq artırılsa daha yaxşı olar". 

Deputat şəxsin əlilliyin qiymətləndirilməsinin düzgün təqdim olunmadığını da qeyd edib:
"Şəxsin əlilliyinin qiymətləndirilməsi...  Bunu sağlamlıq haqqında deyilər. Əlilliyi necə qiymətləndirmək olar?! Bunu düzgün yazmaq lazımdır. Bunu müəyyənləşdirmə ifadəsi ilə əvəz etsək daha gaxşı olar".

Mürtəza
Ölkə.Az