Qırğızıstan Prezidenti fərman imzaladı: o, Azərbaycanda yeni səfir olacaq
Qırğızıstan Prezidenti Sadır Japarov ölkəsinin Azərbaycandakı yeni səfiri barədə fərman imzalayıb.
“Ölkə.az” xəbər verir ki, bu barədə ölkə prezidentinin rəsmi saytı məlumat yayıb.
Fərmana əsasən, Kayrat Mederbekoviç Osmonaliyev Qırğız Respublikasının Azərbaycandakı yeni səfiri təyin edilib.
Qeyd edək ki, K.Osmonaliyev “Azərbaycanın Qırğız Dostları Klubu”nun prezidenti, hüquq elmləri doktoru, professordur.
