Baş travmatoloq: Yeniyetmələrin idman zallarına getməsi doğru deyil

“Ölkə.az” xəbər verir ki, bunu Səhiyyə Nazirliyinin baş travmatoloqu İlqar Qasımov deyib. O bildirib ki, əsas da fitness zalları, “pbulding” məşqləri gənclərin ən çox müraciət etdikləri sahədir:

“Bəzən idman zallarında yetkinlik yaşına çatmayan uşaqlar görürük. Bu doğru deyil. Boy zonaları var, qığırdaq zonaları onlar böyüyür və onlara vətərlər, tendonlar birləşir. Bu səbəbdən yeniyetməni yükləmək doğru deyil. Məsləhətim əzələ və sümük inkişafının tamamlayana qədər ağırlıqsız, kardio məşqlərin seçilməsidir. 40 yaşdan sonra ümumiyyətlə sosial mühitlərdə ediləcək üzgüçülük, tennis, golf, velosiped sürmə, qaçış, gəzinti kimi idman növləri seçilməlidir. İnsan orqanizmi yaşlandıqca maddələr mübadiləsi zəifləyir, yanaşı sağlamlıq problemləri artır və eyni zamanda sümüklərdə elastiklik azalır. Bu da öz növbəsində diqqət edilməzsə, ciddi zədələrə gətirib çıxarda bilir. Məhz bunun səbəbidir ki, professional idman sahələrində də idmançıların fəaliyyətləri çox zaman 40 yaşına belə çatmır”.

Billurə Yunus