Günəş şüaları saçlarımıza necə təsir edir? - Mütəxəssislər AÇIQLAYIR

"Ölkə.Az" ın məlumatına görə, mütəxəssislər hesab edir ki, Günəş şüası altında çox olmaq saça pis təsir göstərir ki, bu da sonra bir sıra problemlərə gətirib çıxarır. Belə ki, Günəşin ultrabənpvşəyi şüaları saça gözlənildiyindən daha çox zərər vurur. Uzun müddət gün altında gəzən isanın saçı  Günəşin ultrabənövşəyi  şüaları nəticəsində daha da parlaqlaşır və saralmağa başlayır. Günəş şüası eyni zamanda saçda kutikula və keratini zədələməklə saçı parlaqlaşdırır və nəticədə saralmasına, saçın qurumasına, nazikləşib kövrəlməsinə, həmçinin saç düzümünün pis qalmasına səbəb olur. Ona görə də mütəxəssislər insanlara saçlarını isti havalarda  qorumağı məsləhət görür. Bunun üçün genişətraflı şlyapadan, yüngül şərfdən, çətirdən, şapkadan istifadə etməyi tövsiyyə edirlər. Mütəxəssislər həmçinin xlorlu hovuzlarda çimən zaman başa qoruyucu şapka taxmağı, nəm olan zaman isə təmiz su ilə yumağı da tövsiyyə edirlər.

Mürtəza
Ölkə.Az