Taksi sürücüsünün boğazına bıçaq dirədi, əlindən çıxıb onu tutdu - ANBAAN VİDEO
Taksi sürücüsünə qarşı bıçaqla hədə-qorxu gələrək pul tələb edən 27 yaşlı gənc məhkəməyə çıxarılıb.
“Ölkə.Az” Türk mətbuatına istinadən xəbər verir ki, hadisə iyulun 17 -də İstanbulun Üsküdar rayonunda baş verib.
Özbəkistan vətəndaşı 27 yaşlı Ollayar Allanazarov 55 yaşlı taksi sürücüsü Turqut Güldaşa bıçaqla hədə-qorxu gələrən ondan pul və mobil telefonunu istəyib.
Hadisə anı avtomaşında quraşdırılan təhlükəsizlik kamerasına düşüb.
Kamera görüntülərində şübhəli şəxsin ani diqqət yayındırmasından istifadə edən taksi sürücüsü avtomobildən düşərək onun qaçmasının qarşısını almaq istədiyi görünür.
Bu vaxt şübhəli Allanazarovun avtomobilin şüşələrini sındıraraq qaçmaq istəyir.
Taksi sürücüsü Güldaş ətrafdan kömək istədikdən sonra avtomobildən qaçmaq istəyən Allanazarov insanların köməyi ilə yaxalanaraq polisə təhvil verilib.
