Sağlam olmaq üçün gündə neçə saat yatmaq lazımdır?

Buddistlərin dini lideri Dalay Lama sağlam ömür sürmək üçün gündə neçə saat yatmaq lazım olduğunu həkimlərlə söhbətində açıqlayıb.

“Ölkə.Az” “m24”ə istinadən xəbər verir ki, XIV Dalay Lama sağlam həyat tərzi sürmək üçün sutkada 9 saat yatır. O, bu barədə hind həkimləri ilə onlayn görüşdə deyib.

İyulun 6-da 85 yaşı tamam olduğunu deyən Dalay Lama 110-113 il yaşmaq arzusunu dilə gətirib. Onun sözlərinə görə, bu ömrü yaşamaq üçün sağlamlığa diqqət yetirmək laızmdır. O, həmçinin emosiyaların insan səhhətinə pis təsir etdiyini bildirib və əlavə edib ki, narahatlıq keçirən zaman qan təzyiqi yüksəlir və yatmaq çətinləşir:

“Əgər məndən söhbət gedirsə, hər gecə 9 saat sakit və dərin yuxuda yatıram. Bu məndə çox sakitliyə səbəb olur. Bu yuxu çox əhəmiyyət kəsb edir”.

Bununla belə Dalay Lama qeyd edib ki, gündəlik bir neçə saatlıq meditasiya ilə məşğul olmaqla fiziki və mental sağlamlığını qoruyur.

Qeyd edək ki, XIV Dalay Lama (Lxamo Dxondrub) 1935-ci ildə Tibetin şimal-şərqində Takçer kəndində anadan olub.

Mürtəza
Ölkə.Az