Prezidentin xüsusi nümayəndəsi:xa0"Ağdamlıların doğma yurdlarına səfərini böyük qayıdışın simvolu kimi görürük"

"Ölkə.Az" "Report"a istinadən xəbər verir ki, bunu Azərbaycan Respublikası Prezidentinin xüsusi nümayəndəsi Emin Hüseynov deyib.

Xüsusi nümayəndə bildirib: "10 noyabr üçtərəfli razılaşmadan sonra, ermənilər Ağdamın azad edilməsinə məcbur edildi. Bu tarixi zəfərdən sonra, bəzi infrastruktur layihələrinin icrasına start verildi. Ağdam rayonu piyada və tank əleyhinə minalarla, partlamamış hərbi sursatlarla ən çox çirkləndirilən rayonlarımızdandır. Təəssüflər olsun ki, bu, işimizdə çox böyük çətinliklər yaradır. Amma buna baxmayaraq işlər çox sürətlə aparılır".

E.Hüseynovun sözlərinə görə, ağdamlıların bura cəlb edilməsi bir vaxt məsələsi idi:

"Biz bu səfəri böyük qayıdışın bir simvolu kimi görürük. Yəni, böyük qayıdış, vətəndaşlarımızın öz dədə baba yurdlarına daimi qayıdacaqları günə qədər davam edəcək. Vətəndaşlarımız gəlib Ağdamın həm indiki vəziyyətini, burada aparılan quruculuq işlərilə tanış olacaqlar. Sözsüz ki, bu olduqca vacibdir. Çünki, artıq müəyyən qıdər mina təhlükəsini aradan qaldırdıqca bi səfərləri təhkükəsiz şəkildə təşkil etmək istəyirik və bunu edəcəyik. Bu gündı binun birinci səfərə start verdik. Bu səfərlər davamlı olacaq. Biz böyük məmnuniyyətlə mıcburi köçkünlıri azad edilən yerlərə səfərləri üzərində düşünürük. Bunların hamısı olunacaq".