Yeniyetmələrin vaksinasiyası məcburidir?

Yeniyetmələrin vaksinasiyası məcburidir? - RƏSMİ AÇIQLAMA

Xəbər verdiyimiz ki, Səhiyyə Nazirliyinin Elmi-Tibbi Şurası 12-15 yaşı tamam olmuş yeniyetmələrə COVID-19 xəstəliyi əleyhinə mRNT Pfizer (“Comirnaty”) peyvəndi vurulması ilə bağlı qərar qəbul edib.

Sözügedən qərar sosial şəbəkələrdə müzakirələrə səbəb olub. Bəzi valideynlər əlavə təsirləri ola biləcəyini əsas gətirərək, övladlarına vaksin vurdurmaq istəmədiklərini bildiriblər.

Səhiyyə Nazirliyindən Ölkə.Az-ın sorğusuna cavab olaraq bildirilib ki, yeniyetmələrin vaksinasiyası könüllüdür.

Nazirlikdən həmçinin Ölkə.Az-a verilən açıqlamada qeyd olunub ki, övladına peyvənd vurdurmaq istəyən şəxslər nə vaxt istəsələr, Bakı Sağlamlıq Mərkəzinə yaxınlaşa bilərlər.

Xatırladaq ki, qərar əsasən, vüvafiq tibbi göstərişlərə və hər iki valideynin razılığına əsasən, 12-15 yaşı tamam olmuş yeniyetmələrə COVID-19 xəstəliyi əleyhinə mRNT Pfizer (“Comirnaty”) peyvəndi vurula bilər.

Onu da qeyd edək ki, Nazirlər Kabinetinin 18 yaşdan yuxarı şəxslərin bir sıra məkanlara daxil olarkən COVID-19 pasportu tələb edilməsi ilə bağlı qərarının 12-15 yaşlı yeniyetmələrə də tətbiq olunması ilə bağlı hər hansı bir qərar yoxdur.

Billurə Yunus