Bakıda dostların faciəvi dramı: “Bağışla məni” deyib öldürdü - ŞOK TƏFƏRRÜAR

Bakının Yasamal rayonunda qadını tamah məqsədi ilə qətlə yetirməkdə ittiham olunan Rəsul Quluzadə, Farid Axundov və Heydər Nəsirlinin cinayət işi üzrə təfərrüatlar məlum olub.

“Ölkə.Az” xəbər verir ki, hadisə Yasamal rayonu Yeni Yasamal-1 yaşayış massivində baş verib. Mənzildə 1970-ci il təvəllüdlü Maya Kərimovanın üzərində kəsici-deşici alətlə yetirilməyə xarakterik xəsarətlər olan meyitini aşkar edilib.

Həyata keçirilən istintaq və əməliyyat-axtarış tədbirləri nəticəsində cinayətin qabaqcadan əlbir olan bir qrup şəxs – 1987-ci il təvəllüdlü Farid Axundov, 2001-ci il təvəllüdlü Heydər Nəsirli və Rəsul Quluzadə tərəfindən tamah niyyəti ilə törədilməsi müəyyən edilib.

Məlum olub ki, qabaqcadan əlbir olan təqsirləndirilənlər tamah məqsədilə M.Kərimovanı amansızlıqla qətlə yetirdikdən sonra mənzildən ümumi məbləği təxminən 40 min manat təşkil edən pul, qızıl-zinət əşyaları və mobil telefonları götürərək hadisə yerini tərk ediblər.

Keçirilən əməliyyat istintaq tədbirləri nəticəsində ilk olaraq Rəsul Quluzadə və Heydər Nəsirli saxlanılıb.

Dindirilmə zamanı onlar bildiriblər ki, pul ələ keçirmək məqsədi ilə qadını tanışları Fariq Axundov qətlə yetirib.

1987-ci il təvəllüdlü Fariq axundov hava limanında polis əməkdaşları tərəfindən saxlanılaraq istintaqa təhvil verilib.

Təqsirləndirilən şəxs qismində dindirilən Farid Axundov Maya Kərimovanı hələ universitetdə oxudugu vaxtdan tanıdığını bildirib.

Onunla təsadüfən şəhərlərarası avtobusda tanış olub və aralarında yaxın münasibət yaranıb. Sevgili olduğu müddətdə qadın daim onu pulla təmin edib. Maya sələmə pul verməylə məşğul olub.

2016-cı ildə evləndikdən sonra onunla demək olar ki, əvvəlki münasibətini kəsib. Ara bir telefonla danışıb nadir hallarda görüşüblər. Mayanın Yasamal rayonunda yaşadığı evdə dəfələrlə olub.

Farid bildirib ki, təxminən 6-7 il olar ki, “metadon” və  marixuana adlı narkotik maddələr qəbul edib.

Ölkə.az-ın məlumatına görə, 2019-cu ildə işdən çıxdıqdan sonra lizinq yolu ilə aldığı avtomobillə taksi kimi fəaliyyət göstərib. Lənkəran rayonundan olan Rəsul Quluzadəni uşaqlıqdan tanıyır. Son vaxtlar mərc oyunları ilə əlaqədar 2500 dollar məbləğində pul borcu yaranıb.

Evdə olan özünün və həyat yoldaşının qızıllarını lombarda qoyaraq təxminən 1500 manat pul alıb.

Sentyabrın 19-da Mayaya zəng edəndə qadın anası xəstələndiyi üçün Lənkəranda olduğunu deyib. Zəng vurmaqda məqsədi görüşmək və Mayanı evdə yatızdıraraq pulla ələ keçirmək olub. Bu planı dostu Rəsulada bildirib.

Ayın 21-də narkotik maddə almaq üçün dostu ilə Lənkərana yollanıb və həmin gündə Bakıya qayıdıblar. Yenə telefon əlaqəsi saxladıqda Maya ayın 22-də qayıdacağını, işini qurtardıqdan sonra istədiyi vaxt evinə gəlməyini bildirib.

Sentyabrın 22-də Rəsul və dostu Heydərlə “28 May” metrosunun yanında görüşüb oradan Yeni Yasamala gəliblər. Əl izlərinin qalmaması üçün aptekdən bir cüt rezin əlcək alıb.

Marketdən çörək, kampot və Mayanın istədiyi siqareti alıb yuxarı qalxıb. Dərmanı kampotun içinə atdığı üçün rənği bir az dəyişib. Aradan bir müddət keçmiş Mayanın tanışı və onun həyat yoldaşı gəlib sələmin qalan faizi olan 300 dolları veriblər. Qadın həmin məbləği yataq otağındakı şkafa qoyub.

Saat 23:00 radələrinə evdən həyətə baxanda maşının saxladığı yerdə olmadığını görüb. Həyətə düşərək Rəsula zəng edib harda olduqlarını soruşanda sonuncu artıq həyətə çatdıqlarını deyib.  Maşına əyləşərək hər ikisinə əsəbləşib və onlara nə yolla olur olsun pulları götürəcəyini deyib.

Farid Axundov ifadəsinin davamında bildirb ki, yenidən evə qalxıb bir az söhbət elədikdən sonra Maya ilə yatağa uzanıblar. Gecə saat 1:00 radələrində artıq qadının yatdığını görüb. Mənzildə gəzməyə və siqaret çəkməyə başlayıb. Evin qapısını açıq qoyub ki, Rəsul gələndə rahat daxil olsun. Narkotik maddənin təsiri altında olduğundan tam özündə olmayıb. Mətbəxdən bıçağı götürüb yataq otağına qayıdaraq Mayanın sol tərəfində uzanıb. Heydərə zəng vurduqdan sonra Rəsulun evə girdiyini görüb. Bundan sonra Farid bıçaqla yatmış vəziyyətdə olan qadının kürəyinə 2 zərbə vurub. Maya qışqırdıqda cəld onun üzərinə çıxıb onu boğmağa başlayıb. Qadına “bağışla məni” deyib kürəyinə və qarnına xəsarətlər yetirib. Bıçaq zərbələrindən biri Mayanın ağzını tutan Rəsulun sağ qoluna dəyib. Qadının boğazını sıxanda artıq zəiflədiyini hiss edib və üstündən qalxıb. Rəsula Mayaya baxmasını ölmədiyi halda onu yastıqla boğmasını tapşırıb.

Farid Axundov daha sonra bildirib ki, əlcəklərini geyinib yataq otağındakı şkafdan kodu olan və açarla açılan çamadanı götürüb. İçərisindən tapdığı avro, dollar və manat əskinazları qara pul kisəsinə yığıb. Mərhumun üzük və sırğalarını götürüb. İki ədəd telefonuda ələ keçirərək onları söndürüb. İzləri itirməkdən ötrü Rəsula evi dağıtmasını deyib. Bıçağı gödəkcəsinin cibinə qoyub və hadisə yerindən uzaqlaşıblar.

Heydərə Mayanı öldürdüklərini deməyiblər. Bir az getdikdən sonra ona 100 dollar verib və heç kəsə heçnə danışmamağını bildirib. Heydəri evin yanında düşürüb bir qədər getdikdən sonra Mayanın telefonlarını asfalta çırpıb sındırıb.

Avtomobili həyətdə saxlayıb Rəsula 2000 dollar və 500 avro verib. Daha sonra özü tək yaşadığı mənzilə qalxıb puldan bir qədər götürüb qızılları və qalan pulu arvadına saxlamaq üçün verib. Xarıcı pasportunu götürüb evdən çıxıb. Bıçağı dənizə, paltarları isə zibil qutusuna atıb. Sonra Rəsulla birlikdə Heydər Əliyev adına hava limanına gediblər. 400 manata sentyabrın 23-çü saat 14-də Moskva şəhərinə olan bilet alıb. Valyutadəyişmə məntəqəsində təxminən 1000 avro dəyişib. Moskva şəhərinə gedib təxminən iki gün orada qalıb sonra isə İstanbul şəhərinə yollanıb. Bu müddət ərzində təxminən 4000 dollara yaxın pul xərcləyib. Tutduğu əməli dərk edərək təslim olmağı qərarlaşdırıb və oktyabrın 2-də İstanbuldan Bakıya qayıdıb. Ayın 3-nə kecən gecə hava limanında polis əməkdaşları tərəfindən həbs edilib.

Məhkəmə prosesi zamanı Farid Axundov ittiham üzrə özünü qismən təqsirli bilib. Rəsul Quluzadə və Heydər Nəsirli özlərini təqsirli bilməyiblər.

Sonda məhkəmənin hökmü ilə Fariq Axundov 18 il, Rəsul Quluzadə və Heydər Nəsirli isə 10 il müddətinə azadlıqdan məhrum olunublar.

Natiq

Ölkə.Az