Anasını öldürdü, məhkəmədə özünü pişik kimi aparıb miyoldadı

Anasını öldürdü, məhkəmədə özünü pişik kimi aparıb miyoldadı - VİDEO

Anasını və xalasını öldürməkdə ittiham olunan məhkəmədə qəribə addım atıb. O, məhkəmə prosesi başalayan kimi özünü pişik zənn edib miyoldamağa başlayıb. Müttəhimin pişik kimi miyoldamasından sonra hakim məhkəmə prosesini dayandırmaq məcburiyyətində qalıb və o, zaldan çıxarılıb.

“Ölkə.Az” xarici mətbuata istinadən xəbər verir ki, hadisə Argenitanada baş verib.

40 yaşlı Gilad Gil Pereg 2019-cu ildə Argentinanın Mendoza əyalətində onu ziyarətə gələn anası və xalasını öldürməkdə ittiham olunur. Belə ki, Peregin anası Phyria Sarousy və xalası Lili Pereg 12 yanvar 2019-cu ildə onu ziyarət etmək üçün Mendozaya gəliblər. Ondan sonra adıçəkilən şəxslərdən məlumat olmayıb. Hadisədən 14 gün sonra yanvarın 26-da qadınların parçalanmış cəsədləri təhlükəsizlik qüvvələri tərəfindən Peregin yaşadığı evin həyətində basdırılmış və üstü daşla örtülmüş halda tapılıb.

Hadisə ilə bağlı hakimin qarşısına çıxarılan Pereq məhkəmə başlayan kimi miyoldamağa başlayıb. Ona ünvanlanan suallara cavab verməyən və miyoldamağını dayandırmayan Pereg hakimin qərarı ilə zaldan çıxarılıb.

Məhkəmə noyabrın 3-dək təxirə salınıb.

Həbs edildikdən sonra Pereglə görüşən tibbi psixiatr Mariano Castexin hesabatında Peregin ağlını itirdiyi bildirilir.

Mürtəza
Ölkə.Az