Ordumuzda bu dəyişikliklər aparılır - Generaldan AÇIQLAMA - VİDEO
Müharibədən sonra cənab Prezidentin tapşırığı ilə biz müharibənin nəticələrini təhlil edərək, yenidən Azərbaycan Ordusunda təşkilati ştat tədbirləri həyata keçirdik.
Ölkə.Az xəbər verir ki, bunu müdafiə naziri general-polkovnik Zakir Həsənov Bakıda Türkiyənin milli müdafiə naziri Hulusi Akarla birgə keçirdiyi mətbuat konfransında deyib. O bildirib ki, Prezidentin tapşırığı ilə Azərbaycan Ordusununun Türkiyə Silahlı Qüvvələrinin modelinə uyğun təşkili davam etdirilir:
“Biz bir neçə yeni qurumlar yaradırıq”,- deyə o söyləyib.
Z.Həsənov həmçinin əlavə edib ki, Vvətən müharibəsində təkcə Türkiyə istehsalı PUA-lardan istifadə edilməyib:
“Son illərdə Türkiyənin hərbi sənayesi çox inkişaf edib. Biz yalnız pilotsuz uçuş aparatları yox, həm də toplardan, raketlərdən, dəqiq vuran mərmilərdən, dornlara qarşı mübarizə aparan avadanlıqlardan və təbii ki, ən müasir “Bayraktar”lardan da istifadə etdik”.
Billurə Yunus
