Kriminal avtoritet və sabiq deputatın qətlinə görə 5 nəfər saxlanılıb

“Ölkə.Az” “sputnikarmenia”ya istinadən xəbər verir ki, hüquq-mühafizə orqanları kriminal avtoritet Artur Qazaryan (“Kanakerçi Tyu”), keçmiş deputat Artuş Simonyan və daha iki nəfərin qətli ilə bağlı cinayət işi üzrə 5 nəfəri saxlayıb. Bu barədə İstintaq Komitəsinin mətbuat katibi Vardan Tadevosyan məlumat verib.

İstintaq artıq cinayəti törədənləri müəyyənləşdirib. Saxlanılan 5 nəfərdən dördü keçmiş deputat Artuş Simonyanın oğullarıdır. İbtidai istintaq davam edir.

Xatırladaq ki, qətl hadisəsi İrəvanda noyabrın 11-nə keçən gecə baş verib. Atışma sabiq deputatın evində baş verib.  Atışma zamanı 4 nəfər ölüb, 4 nəfər isə yaralanıb. Ölənlər arasında sabiq deputat Artuş Simonyan, Artur Boryan, kriminal avtoritet Artur Qazaryan (“Kanakertsi Tui”nin kriminal rəhbəri) və Araik Xaçatryandır.

Mürtəza
Ölkə.Az