Londonda avtomobil piyadaların üstünə sürüldü - saxlanılan var
London polisi Somali əsilli Britaniya vətəndaşını avtomobili piyadaların üzərinə sürməkdə şübhəli bilərək həbs edib.
"Ölkə.az" xəbər verir ki, bu barədə "The Guardian" qəzeti polisə istinadən məlumat yayıb. İyunun 27-dəbaş verən hadisədə beş nəfər yaralanıb.
Şübhəli təhlükəli avtomobil idarə etməkdə və adam öldürməyə cəhd etməkdə şübhəli bilinir. Polis bildirib ki, müstəntiqlər bütün mümkün motivləri nəzərdən keçirsələr də, bu hadisə terror aktı kimi qəbul edilmir.
Şübhəli hadisədən qısa müddət sonra avtomobilin izdihama çırpıldığı yerdən uzaq olmayan Qreync Parkda həbs edilib.
Hadisə Londonun qərbindəki İlinq Brodveydə baş verib. Beş nəfər yaralanıb, onlardan üçü xəstəxanaya çatdırılıb. Polisin məlumatına görə, hazırda onların həyatı üçün təhlükə yoxdur.
Elvin
Ölkə.az
