Sükan arxasında ürəktutması keçirən sürücü qəza törədib - ölən var

Gəncədə sürücü sükan arxasında dünyasını dəyişib.

"Ölkə.az" "Report"a istinadla xəbər verir ki, hadisə şəhər ərazisində qeydə alınıb.

"Kia" markalı avtomobilin sürücüsü idarəetməni itirib, nəticədə nəqliyyat vasitəsi maneəyə çırpılıb. Məlum olub ki, təxminən 45-50 yaşlı sürücü sükan arxasında ürək tutmasından vəfat edib.

Hadisə yerinə polis əməkdaşları cəlb olunub.

Faktla bağlı araşdırma başlanılıb.