3 qardaş toyunu bir yerdə etdi

3 qardaş toyunu bir yerdə etdi - FOTOLAR

Bir gündə toyları olan qardaşların şənlik mərasimində 30 qoyun kəsildi, 3 min qonaq iştirak etdi.

“Ölkə.Az” xəbər verir ki, belə bir şənlik Türkiyənin Şırnak əyalətinin Silop rayonunda baş tutub.

Belə ki, 52 yaşlı Yusuf Bilgeç oğulları Şivan, Berguvan və Kerem eyni gündə toy ediblər. 3000 nəfərin iştirak etdiyi toyda gələnlər bəy və gəlini təbrik etmək üçün növbəyə düzülüblər.

Musiqi sədaları altında halay rəqsi edən qonaqlar 24 yaşlı Kerem – 20 yaşlı Asya, 26 yaşlı Şivan – 20 yaşlı Feride və 25 yaşlı Berguvan-22 yaşlı Elif ailə həyatı qurublar.

Qardaşlardan Kerem Bilgeç toyla bağlı təəssüratını belə bölüşüb: “Biz üç qardaşıq, birlikdə evləndik. Bu heyrətamiz hissdir. Biz xoşbəxtik”. Asya Bilgeç isə “üçlü toy etdik. Biz çox xoşbəxtik. Ümid edirəm hər kəsin bəxti gətirər. Bu gün çox gözəl hisslər keçirdik” - deyə o bildirib.

Oğlanların atası Yusuf Bilgeç isə deyib ki, övladları birlikdə evlənmək arzusunda olublar: “Ata, biz birlikdə evlənmək istəyirik” deyəndə, onları birlikdə evləndirdim.Mən onları qırmadım”.