Hikmət Mirzəyevin evi qarət olunduğu bildirilir
Vətən Müharibəsi Qəhrəmanı, Xüsusi Təyinatlı Qüvvələrin komandanı, general-leytenant Hikmət Mirzəyevin evinə oğrunun girdiyi bildirilir.
"Ölkə.Az" xəbər verir ki, belə bir iddianı Bakupost.az saytı yayıb.
Mətbu orqan hadisənin generalın Saray qəsəbəsində yerləşən evində baş verdiyini yazıb.
İddiaya əsasən, evin əşyaları oğurlanıb, generala külli miqdarda maddi ziyan dəyib.
Evin H.Mirzəyevin daimi yaşadığı mənzil olmadığı qeyd edilib.
Həmçinin sayt yazır ki, faktla bağlı Abşeron Rayon Polis İdarəsinin Saray Polis Bölməsində araşdırma aparılır.
Mövzu ilə əlaqəli xəbər: Hikmət Mirzəyevin evindən oğurluq edilməsi ilə bağlı RƏSMİ AÇIQLAMA
