Bakı 2015 açılış mərasimi

Möhtəşəm açılış necə baş verdi?

Xəbər verdiyimiz kimi, dünən Bakı Avropa Oyunlarının möhtəşəm açılış mərasimi keçirilib.

Ölkə.Az xəbər verir ki, tamaşaçılar tərəfindən böyük coşqu ilə qarşılanan mərasim dünyanın aparıcı media qurumları vasitəsilə canlı yayımlanıb.

"Bakı-2015"in son məşəlini iki dəfə paralimpiya oyunları çempionu, iki dəfə dünya çempionu, beş dəfə Avropa çempionu, Qarabağ müharibəsi əlili İlham Zəkiyev gətirib. İlham məşəli Jan Sibeliusun "5-ci Simfoniya"sının müşayiəti ilə stadiona daşıyıb.

Tədbirin sürpriz hissələrdindən biri isə məşhur müğənni Ledi Qaqanın idmançıları Con Lennonun repertuarından "İmagine" mahnısı ilə salamlaması olub.

Mərasim Azərbaycanın "Yallı" musiqisinin sədaları altında ifa olunan rəqslə başa çatıb.

Xatırladaq ki, iyunun 12-dən 28-dək davam edəcək 17 günlük yarışlara, 50 ölkədən 6 mindən çox idmançı, 3 mindən artıq komanda rəsmisi qatılacaq. Yarışlar 20 idman növünü əhatə edir ki, bunların da 16-sı Olimpiya növləridir.

Bu mötəbər idman yarışlarını işıqlandırmaq üçün 630-dan çox yerli və 800 beynəlxalq media nümayəndəsi qeydiyyatdan keçib.

Ölkə.Az möhtəşəm tədbirdə iştirak edə bilməyən oxucuların istəyini nəzərə alaraq Bakı 2015 İlk Avropa Oyunlarının açılışından maraqlı fotoların I hissəsini təqdim edir:

Rəşid Mustafazadə

Fotolar : Kamil Əmirli

Ölkə.Az