"Suriya hərbçilərini Rusiya vurub"

"Amerika təyyarələrinin gecə uçuşu yerində atılmış addım idi, ancaq uçuşlar Suriya mövqelərinin bombalandığı yerdən xeyli uzaqda həyata keçirilirdi. Amerikalı hərbçilər bəyan edir ki, Rusiyanın hərbi təyyarələri Suriyanın şərqində Suriyanın ordusunun mövqelərinə hava zərbələri endiriblər".

Ölkə.Az xəbər verir ki, bu fikirlər "The Washington Post" qəzetində ABŞ-ın hakimiyyət strukturlarındakı anonim mənbəyə istinadən yer alıb.

Bir müddət öncə isə Suriya hökuməti İŞİD terror təşkilatı ilə mübarizə aparan ABŞ-ın rəhbərlik etdiyi koalisiyanı zərbələrin endirilməsində ittiham edib. Hökumət bəyan edib ki, koalisiya təyyarələri şərqdə yerləşən Deyr Əl-Zur əyalətində gecə hücumu reallaşdırıblar. Nəticədə 3 əsgər öldürülüb, 13-ü isə müxtəlif dərəcəli yaralar alıb.

Pentaqon nümayəndəsi bəyan edib ki, ABŞ Müdafiə nazirliyi bu hücumların Rusiya tərəfindən təşkil olunduğuna əmindir. Beynəlxalq koalisiyanın Bağdaddakı təmsilçisi Stiven Uorren bildirib ki, ABŞ hərbi təyyarələri bazar günü gecə uçuşları həyata keçirsə də, onlar hücuma məruz qalan yerdən xeyli aralı məsafədə olublar.

Rəşid Mustafazadə

Ölkə.Az