Yaqut Qarayeva yoluxmalardan danışdı
“İki il ərzində ən yüksək yoluxma nisbəti 2020-ci ilin noyabr-dekabr aylarında olmuşdu. Bu zaman müsbət nəticələrin ümumi aparılan testlər arasında payı 31%-ə qədər yüksəlmişdi”.
Ölkə.Az xəbər verir ki, bunu TƏBİB-in şöbə müdiri Yaqut Qarayeva bugünkü brifinqdə deyib. O bildirib ki, son 3 ay ərzində ən yüksək yoluxma faktları yenə də noyabr ayına təsadüf edib: “21%-ə qədər yüksək yoluxmamız var idi. Bu gün yoluxma faizlərində ciddi azalma müşahidə olunur. Son günlərdə müsbət nəticələrin ümumi aparılan testlərin arasında faizi 4-5%-ə qədər enib ki, bu da bizim üçün çox gözəl göstəricidir”.
Billurə Yunus
