NATO ilə sülh naminə tərəfdaşlıq çərçivəsində keçirilən tədbirlərin sayı açıqlandı
“Müdafiə Nazirliyinin rəhbərliyi ilə il ərzində xarici ölkələrə 10 səfər təşkil edilib”.
Ölkə.Az xəbər verir ki, bunu Müdafiə Nazirliyinin Mətbuat Xidmətinin rəis müavini polkovnik-leytenant Anar Eyvazov cari ildə ordu quruculuğu sahəsində görülən işlər və əsas istiqamətlər üzrə yerinə yetirilən tapşırıqlarla bağlı məruzə ilə çıxışında deyib.
“Cari il ərzində ölkə daxilində 27, ölkə xaricində isə 178 beynəlxalq kursda şəxsi heyətin iştirakı təmin edilib. İkitərəfli əməkdaşlıq planları və NATO ilə sülh naminə tərəfdaşlıq proqramı çərçivəsində xarici ölkələrdə və Azərbaycanda ümumilikdə 522 beynəlxalq tədbir həyata keçirilib”,- deyə A.Eyvazov söyləyib.
Billurə Yunus
