Sərbəst güləşçilərimiz daha 2 medal qazandırdı

Final görüşləri baş tutub.

Ölkə.Az xəbər verir ki, Bakı 2015 İlk Avropa Oyunlarında sərbəst güləş üzrə iki idmançımız bürünc medal qazanmağa müvəffəq olub.

Kişilәr arasında sәrbәst gülәş üzrә 61 kq çәki dәrәcәsindә Azәrbaycan idmançısı Hacı Әliyev vә türkiyәli Munir Rәcәb Aktaşı 10-2 hesabıyla mәğlub edәrәk bürünc medalın sahibi olub. Bu çəki dərəcəsində qızıl medalın sahibi Rusiya vә Gürcüstan qarşılaşmasında 13-8 hesabıyla Rusiya tәmsilçisi Viktori Baqamayev olub.

Kişilər arasında 70 kq çəki dərəcəsində final görüşlərində Azərbaycan təmsilçisi Rüstəm Dibirqaziyev gürcüstanlı rəqibi David Tlaşadzeni 6-2 hesabı ilə qələbə çalıb. Bununla da Rüstəm Dibirqaziyev bürünc medalın sahibi olub.

Qeyd edək ki, yarışların ilk iki günündə mübarizə aparan yunan-Roma güləşçilərimiz iki dəst medal qazanıb. Rəsul Çunayev (71 kq) və Elvin Mürsəliyev (75 kq) qızıl, Rafiq Hüseynov (80 kq) və Sabah Şəriəti (130 kq) gümüş, Elman Muxtarov (59 kq) və Həsən Əliyev (66 kq) bürünc medala sahib olub.

Qadın güləşçilərin yarışında güləşçilərimiz 2 qızıl və 1 bürünc medal qazanıb. Qızıl medalları yığmamıza Mariya Stadnik (48 kq) və Anjela Doroqan (53 kq), bürüncü isə Nataliya Sinişin (55 kq) qazandırıb.

Sərbəst güləşçilərimiz ilk yarış günündə 2 qızıl və 1 bürünc medal əldə edib. Toğrul Əsgərov (65 kq) və Xetaq Qazyumov (97 kq) qızıl, Cəbrayıl Həsənov (74 kq) bürünc medala layiq görülüb.

Rəşid Mustafazadə

Fotolar: Kamil Əmirli

Ölkə.Az