Mehriban Əliyeva 2 medal qazanan idmançımızı mükafatlandırdı

Bakı-2015 I Avropa Oyunlarının idman gimnastikası yarışlarında Azərbaycan daha bir medal qazanıb.

Təmsilçimiz Oleq Stepko Avropa Oyunlarını mükafatla başa vurub.

İdman gimnastikasının fərdi çoxnövçülük yarışında uğurlu çıxış edən Stepko gümüş medala layiq görülüb. Yarışdan sonra fəxri kürsüyə qalxan idmançıya medalı I Avropa Oyunlarının Təşkilat Komitəsinin sədri Mehriban Əliyeva təqdim edib.

Qeyd edək ki, komanda hesabında da bürüncə yiyələnən Stepko hələlik Bakı-2015-də iki medal qazanan yeganə idmançımızdır. (ans)

Ölkə.Az