Boksçularımız uğurla çıxış etdi - Eranosyan məğlub edildi

İdmançılarımız növbəti mərhələyə yüksəliblər.

Ölkə.Az xəbər verir ki, "Baku Crystal Hall"da Avropa Oyuları çərçivəsində keçirilən boks yarışlarının beşinci günü keçirilib.

Azərbaycanı 52 və 60 kiloqram çəki dərəcələrində təmsil edən idmançısılarımız Elvin Məmişzadə və Albert Səlimov görüşlərini qələbə ilə başa vuraraq növbəti mərhələyə yüksəliblər.

Belə ki, boksçumuz Elvin Məmişzadə irlandiyalı rəqibi Kasey Maylesi 3-0 hesabı ilə məğlub edərək 1/4 finala vəsiqə qazanıb. Elvin Məmişzadənin 1/4 finaldakı rəqibi Daniel Asenov (Bolqarıstan) - Linares de la Nieve (İspaniya) mübarizəsinin qalibi olacaq.

Azərbaycanın digər boksçusu Albert Səlimov (60 kq) gürcüstanlı rəqibi Otar Eranosyanı 3:0 hesabı ilə məğlub edərək adını dörddəbir finala yazıb.

Rəşid Mustafazadə

Fotolar: Kamil Əmirli

Ölkə.Az