Oleq Stepko: "Məndə medalların tam dəsti var"
"Mən artıq heç nə edə bilməzdim".
Təmsilçimizə qızıl medal təqdim olunub və Azərbaycan Dövlət Himni səsləndirilib.
Ölkə.Az xəbər verir ki, Birinci Avropa Oyunları çərçivəsində idman gimnastikasında kişilər arasında paralel qollar üzrə mübarizədə qalib gəlmiş Oleq Stepko təəssüratlarını bölüşüb:
- Çox ağır gün idi. Nəhayət ki, Avropa Oyunları mənim üçün bitdi. Bu, çox ağır atmosfer, çox böyük yük idi. Gördüyünüz kimi, bu, uğurlu nəticəyə gətirib çıxardı. Çox xoşdur ki, məndə medalların tam dəsti var. Emosiyalarım var, amma yorğun olduğum üçün onlar bir az sonra üzə çıxacaq. Yorulsam da, çox razıyam.
Bürünc vә gümüş medallardan sonra qızıl medal qazanacağına inanırdınımı?
- Gördüyünüz kimi, hakimlәr çox sәrt qiymәtlәndirirdilәr. Qızıl medal olmasaydı, gümüş olardı. Bu da xoşdur.
Qızılın mәhz sәnә mәxsus olduğuna inam nә vaxt yarandı?
- Әslindә yaranmadı, sadәcә, özünüz dә gördüyünüz kimi, lider, dünya çempionu çaşdı. O, әn güclü rәqib idi. Mәnim üçün әsas olan proqramı yerinә yetirmәk idi vә mәn necә lazımdırsa öz kombinasiyamı etdim.
Riodan nә gözlәmәk olar?
- Qarşıdan bizi lisenziya xarakterli dünya çempionatı gözlәyir. Orada ilk öncә seçimlәrdәn keçmәyimiz tәlәb olunur. Üzәrimizdә işlәyәcәk, eyni uğuru tәkrar etmәyә çalışacağıq.
Bu gün üçün bunu әn böyük nailiyyәtin adlandırmaq olarmı?
- Azәrbaycan adından bәli. Çox sevinirәm ki, federasiyamızın ümidlәrini doğrulda bildim. Mәnә ümidlәr bәslәyәn mәşqçim, federasiya prezidenti, azarkeşlərə təşəkkür edirəm.
Gәlәcәk planların?
- İcazә verin, dincәlim (red.gülür). Heç olmasa, ayın 1-nә kimi. Ondan sonra isә yenidәn mәşqlәr, xüsusi rejimlәr davam edәcәk. Dünya çempionatı burnumuzun ucundadır. Öz üzәrimdә işlәmәli, Azәrbaycanı inkişaf etdirmәliyәm. Qoy, dünya qorxsun bizdәn. Düzdür, bizi artıq tanıyır vә qorxurlar, ancaq daha da qorxutmalıyıq. Övladlarınızı gimnastikaya gәtirin. Bu, çox gözәl idman növüdür.
Rusiya təmsilçisinin çıxışı zamanı üzündə müəyyən üzgünlük müşahidə olunurdu, hətta başını aşağı salmışdın. Həmin anlar nə düşünürdün? Qələbəyə ümid var idimi?
- Eyni vəziyyət Ukraynanı Avropa Çempionatında təmsil edəndə də baş vermişdi. Bu, çox təsirlidir, sən nəinki üzülürsən, mən bunu tam çatdıra bilmərəm. Mən artıq heç nə edə bilməzdim. Sadəcə, o, cəmi 0,033 bal məndən aşağı nəticə göstərdi.
Qeyd edәk ki, nəticələrə əsasən, kişilər arasında paralel qollar üzrə mübarizədə birinci yeri idmançısı Vernyayev Oleq, ikinci yeri təmsilcisi qazanıb. Üçüncü yeri isə qazanaraq ölkəmizə daha bir bürünc medal gətirib. O, 14.966 bal toplayıb.
Xatırladaq ki, bugünkü yarışlarda təmsilçimiz kişilər arasında gimnastika atında gümüş, dayaqla tullanmada bürünc medal qazanmış, halqalar üzrə isə dördüncü yerə çıxmışdı.
Rəşid Mustafazadə
Fotolar: Kamil Əmirli
Ölkə.Az
