Göygöldə tanışını öldürən şəxsin məhkəməsi başlayır
Göygöl rayonunda tanışını qətlə yetirməkdə təqsirli bilinən Hüseyn Əsgərovun cinayət işi üzrə ibtidai başa çatıb.
"Ölkə.Az" xəbər verir ki, cinayət işinin materialları baxılması üçün Gəncə Ağır Cinayətlər Məhkəməsinə verilib.
Cinayət işi hakim Faiq Mahmudovun icraatına verilib.
İş üzrə məhkəmə hazırlıq iclası fevralın 22-nə təyin edilib.
Qeyd edək ki, hadisə 2021-ci ilin sentyabrında Göygöl rayonunda qeydə alınıb. Çaylı kəndində 1986-cı il təvəllüdlü H.Əsgərov şəxsi münasibətlər zəminində mübahisə zamanı 1993-cü il təvəllüdlü Ayxan Hüseynlini bıçaqlayaraq öldürüb.
Faktla bağlı Göygöl rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
H.Əsgərov şübhəli şəxs qismində tutularaq istintaqa cəlb edilib.
