Almanlar italyanları Bakıdan evə göndərdi
Polşanın kişilərdən ibarət voleybol komandası Avropa Oyunlarında 100 faizlik qələbə rekordunu saxlamaqdadır.Şənbə günü Polşa ilkin raund oyununda Azərbaycan komandasına qarşı 3-0 hesabı ilə üstün gəlib.
Oyunun ilk anlarından Azərbaycan oyunçuları vəziyyəti ələ almışdılar. Lakin sonrdan Polşa daha güclü oyun nümayiş etdirərək üç setdə 25-14, 25-13 və 25-17 hesabı ilə qalib gəliblər.
Komandası üçün 15 xal qazanan Szimon Romak bunu asan qələbə hesab etmir: "Bu, heç də asan oyun deyildi. Azərbaycan komandasının bizə qarşı gərgin oyun nümayiş etdirəcəyini bilirdik. Lakin bizim fəndlərimiz çox yaxşı idi və bu, bizə çox kömək etdi. Biz dörd oyunun hamısında qalib gəldik və indi özümüzdən əminik. Hər oyunda qalib olmaq istəyirik".
Azərbaycan komandasının baş məşqçisi Bülent Karslıoğlu isə məğlubiyyətə baxmayaraq, komandası ilə qürur duyduğunu söyləyib: "Biz çox gənc komandayıq. Güclü komanda olmağımız üçün bizə zaman lazımdır. Bu məğlubiyyətlər onların qazandığı təcrübənin qaçılmaz bir hissəsi idi".
B qrupunda həmçinin Almaniya 3-0 hesabı ilə İtaliyanı məğlub edərək 1/4 finala öz vəsiqəsini təsdiqlətdirib. Almanlar setləri 25-18, 25-22 və 27-25 hesabı ilə yekunlaşdırıblar. Bunu almaniyalı Coçen Şops də deyir: "Bu, asan oyun deyildi. Sadəcə biz yaxşı oynamağı bacardığımızı bilirik. Yarışda bir çox yaxşı komanda var. Lakin biz ilk olaraq Belçika ilə oynamalı və sonra hansı komanda ilə oynayacağımıza baxmalıyıq".
B qrupundakı son oyunlarda Almaniya Belçika ilə, İtaliya isə Rusiya ilə qarşılaşır.
A qrupu oyunlarında bir gün əvvəl, Fransa Türkiyəni 3-0 hesabı ilə və Serbiya eyni hesab ilə Finlandiyanı kənarlaşdırıb. B qrupunda isə Slovakiya 3-1 hesabı ilə Belçikanı məğlub edib, Bolqarıstanın Rusiyanı 3-1 hesabı ilə məğlub etməsi isə böyük təəcübə səbəb olub.
A qrupuna vəsiqə qazananlar indi Fransa, Polşa, Türkiyə və Serbiya ilə qruplaşarkən, Rusiya və Bolqarıstan B qrupundan irəliləyir.
Bu gün voleybol üzrə qadınlar arasında Azərbaycan-Türkiyə və Polşa-Finlandiya yarışları keçirilir. (Ans)
Ölkə.Az
