Durunda ən zəif nəticə göstərdi

Bu gün Bakı 2015 I Avropa Oyunlarının bədii gimnastika yarışları yekunlaşacaq.

Ölkə.Az xəbər verir ki, Azərbaycan təmsilçisi Marina Durunda top ilə fərdi çıxışda 16.100 balla axırıncı olub.

1-ci yeri 18.950 balla Rusiya təmsilçisi Yana Kudryavtseva, 2-ci yeri 18.250 balla Ukrayna idmançısı Rizatdinova Ganna, 3-cü yeri isə 18.200 balla belaruslu Staniouta Melitina qazanıb.

Xatırladaq ki, bu gün Azərbaycan təmsilçisi Marina Durunda həlqə ilə çıxışda 17,800 bal əldə etmiş və bu nəticə ilə 5-ci yeri tutmuşdu.

Qeyd edək ki, 4 yaşında idmana başlayan Marina 2012-ci ildən Azərbaycan Millisinin üzvüdür və millinin tərkibində ilk qızılını həmin il Macarıstanda qazanıb. O, Dünya Kubokunun bir neçə mərhələsində mütəmadi olaraq yaxşı nəticələr göstərib.

Dünya reytinqində 6-cı yerdə olan Marina həm də 2015 Avropa Oyunlarında İdman Səfiridir.

Rəşid Mustafazadə

Fotolar: Kamil Əmirli

Ölkə.Az