Daha 5 boksçumuz 1/4-də
Bu gün Avropa Oyunlarında boks yarışları davam edəcək.
“Qafqazinfo” xəbər verir ki, əlcək ustalarının yarışında Azərbaycanı 5 idmançı təmsil edəcək. Onlardan 4-ü kişi, 1-i qadın olacaq. Boksçularımız hamısı ¼ finala adlamaq uğrunda yumruqlarını “işə salacaqlar”.
69 kq-da Pərviz Bağırov da Moldova idmançısı ilə görüşəcək. O, 14:15-də Vasili Belousla üz-üzə gələcək.
91 kq-da Abdulkadir Abdullayev macarıstanlı Hamori Adamla görüşəcək. Görüş 15:30-da başlayacaq.
64 kq çəki dərəcəsində Kollaso Sotomayor 20:30-da Qalaqo Dmitrini məğlub etməyə çalışacaq.
75 kq-da Xaybula Musalov fransalı Mbilli Assomo-Hallier ilə üz-üzə gələcək. Bu qarşılaşma 21:00-da başlayacaq.
Xanım boksçumuz Yana Aleeksevna 57-60 kq çəki dərəcəsində qüvvəsini sınayacaq. O, finlandiyalı Mira Potkonenlə saat 13:00-da döyüşəcək.
***
Yana Aleeksevna 57-60 kq çəki dərəcəsində finlandiyalı Mira Potkonenlə görüşür.
***
İdmançımız 3:0 hesabı ilə qələbə qazanıb.
***
69 kq-da Pərviz Bağırov moldovalı Vasili Belousla görüşür.
***
Pərviz Bağırov 3:0 hesablı qələbə qazanaraq 4/1 finala adladı.
***
91 kq-da Abdulkadir Abdullayev macarıstanlı Hamori Adamla görüşür.
***
İdmançımız qarşılaşmada 3:0 hesabı ilə qalib gəldi.
***
Kollaso Sotomayor mübarizəyə başlayır. O, Qalaqo Dmitri ilə döyüşür.
***
Rinqdə daha baxımlı döyüş nümayiş etdirən Sotomayor bütün raundlarda rəqibindən üstün olub - 3:0.
***
Xaybula Musalov fransalı Mbilli Assomo-Hallier ilə üz-üzədir.
***
Xaybula Musalov 3:0 hesablı qələbə qazandı. (qafqazinfo)
Ölkə.Az
