Samboçularımız uğurla çıxış etdi - 4 qızıl, 3 bürünc medal şansı

Bu gün Bakı-2015 Avropa Oyunlarında sambo yarışları keçirilir.

Ölkə.Az xəbər verir ki, 1 gün davam edəcək mübarizədə 8 dəst medalın sahibləri müəyyən olunacaq.

57 kq çəki dərəcəsində həmyerlimiz İslam Qasımov 1/4 finalda rumıniyalı Orlando Qruia üzərində asanlıqla qələbə qazanıb. Rəqibini 9:0 hesabı ilə məğlub edən İslam yarımfinalda Vaxtanqi Çidraşvili ilə mübarizə aparıb və döyüşünü üstünlüklə 3:1 hesabı ilə bitirib. İdmançımız finalda saat 19:18 rusiyalı Aymerqen Atkunovla qarşılaşacaq.

74 kq çəki dərəcəsində döşəyə çıxacaq təmsilçimiz Amil Qasımov 1/4 finalda Sloveniya təmsilçisi Tadey Cutuku məğlub edən gürcü idmançı Kaxa Mamulaşvili ilə üz-üzə gəlib. İlk görüşünü 4:3 hesabı ilə öndə bitirən idmançımız yarımfin mərhələsinə yüksəlib. Bu mərhələdə də uğurla çıxış edən Qasımov 4:3 hesabı ilə bolqarıstanlı Martin İvanova qalib gəlib. Amil 20:02-də qızıl medal döyüşündə Stepan Popovla qarşılaşacaq. 

90 kq çəki dərəcəsində çıxış edən Kənan Qasımov mübarizəyə 1/4 finaldan başlayıb. O, ukraynalı İvan Vasilçuk üzərində 2:1 hesabı ilə qələbə qazanıb. Qasımov yarımfinalda Rusiya təmsilçisi Alsim Çernoskulovla güləşib. Qasımov qalib gələ bilməyib və rusiyalı rəqib finalda iştirak hüququ qazanıb. Kənan bürünc medal uğrunda çıxışını davam etdirəcək və döyüşə saat 20:40-da çıxacaq. 

100 kq çəki dərəcəsində ölkəmizi təmsil edən Vasif Səfərbəyov da yarışa 1/4 finaldan başlayıb. Makedoniya idmançısı Bayro Maşoviçlə münasibətinə aydınlıq gətirib və 8:00 hesabı ilə qalib olub. Səfərbəyov yarımfinalda Ukraynanı təmsil edən erməni əsilli Razmik Tonoyanla güləşib və qələbə qazanıb. O, saat 21:30-da finalda Rusiya samboçusu Artyom Osipenko ilə münasibətinə aydınlıq gətirəcək.

Rəşid Mustafazadə

Fotolar: Kamil Əmirli

Ölkə.Az