Pediatrdan şok: "zerkalni" tarixdə doğum yarışı... - FOTO
"Son illər dünyada uşaqlar autizm bəlasına düçar olub. Səbəbi barədə müxtəlif fikirlər səsləndirilir, amma hələlik ciddi elmi mərkəzlərdə dəqiq səbəb göstərilmir".
Ölkə.Az xəbər verir ki, bunu pediatr Vaqif Qarayev deyib. O bildirib ki, son vaxtlar qeysəriyyə (kesar) kəsiyi ilə dünyaya gələn uşaqlar arasında autizmin daha tez-tez göründüyü haqqında danışılır:
"Bu gün "zerkalnı" (22.02.2022) tarixdir. Kifayət qədər qeysəriyyə əməliyyatı ilə doğulan uşaqlar olacaq. Sosial şəbəkələrdə "yarış" başlayacaq. Etməyin! Uşaqlar təbii yolla doğulmalıdır ki, sağlam olsunlar".
Pediatr həmçinin əlavə edib ki, son vaxtlar heç bir tibbi göstəriş olmadan qeysəriyyə əməliyyatına meyil edilməsi yaxşı hal deyil.
Billurə Yunus
