Polşa azərbaycanlı spotterə təşəkkür etdi

Polşa Gimnastika İttifaqının prezidenti Barbara Stanislavişin Birinci Avropa Oyunlarının spotteri Elçin Əlibəyliyə polşalı atleti batutda tullanarkən faciədən qurtarmağa yardım etdiyi üçün minnətdarlığını bildirib.

Bu barədə TASS-ın müxbirinə Polşa Milli Olimpiya Komitəsinin mətbuat attaşesi Henrik Urbaş bildirib.

“Mənə detallar məlum deyil, amma dəqiq bilirəm ki, bizim ittifaqın rəhbəri bu könüllüyə təşəkkür edib”, - Urbaş bildirib.

Xatırladaq ki, bazar günü sinxron tullanmalar üzrə yarışlarda Geş tarazlığını saxlaya bilməyib batutdan kənara kürəyi üstə düşüb. İdmançı zədələrdən yaxa qurtara bilib, çünki spotter onu havada yaxalayıb, onunla bərabər döşəməyə yıxılıb.oxu.az

Ölkə.Az